Latest Urdu news from Pakistan - Peshawar, Lahore, Islamabad

کوئٹہ: سی ٹی ڈی و حساس اداروں کا آپریشن، 6 دہشت گرد ہلاک

صوبہ بلوچستان کے دارالحکومت کوئٹہ میں خفیہ معلومات پر کیے گئے آپریشن میں 6 مبینہ دہشت گرد ہلاک جبکہ 3 سیکیورٹی اہلکار زخمی ہوگئے۔ محکمہ انسداد دہشت گردی (سی ٹی ڈی) کے حکام کے مطابق کاؤنٹر ٹیررازم پولیس کے اہلکاروں اور خفیہ ایجنسی نے مشرقی بائی پاس کے علاقے میں دہشت گردوں کے چھپے ہونے کی اطلاعات پر کارووائی کی۔

ترجمان کے مطابق علاقے میں دہشت گردوں کی موجودگی پر آپریشن کا آغاز کیا گیا، اس دوران کمپاؤنڈ میں چھپے مبینہ دہشت گردوں اور سیکیورٹی اہلکاروں کے درمیان فائرنگ کا تبادلہ ہوا۔ سی ٹی ڈی ترجمان کے مطابق ایک مبینہ خود کش حملہ آور نے خود کو اڑالیا، جس سے بڑا دھماکا ہوا۔

ترجمان نے بتایا کہ یہ آپریشن 6 گھنٹے تک جاری رہا جبکہ دہشت گردوں کے ٹھکانے سے بڑی تعداد میں اسلحہ و بارودی مواد بھی برآمد کرلیا گیا۔ انہوں نے کہا کہ اس آپریشن کے دوران 3 اہلکار زخمی بھی ہوئے، جنہیں طبی علاج کے لیے قریبی ہسپتال منتقل کردیا۔ بعد ازاں سیکیورٹی اہلکاروں نے علاقے کو گھیرے میں لے لیا جبکہ مزید نفری کو بھی طلب کرلیا گیا۔

دوسری جانب وزیراعلیٰ بلوچستان جام کمال خان نے مشرقی بائی پاس پر ‘دہشت گردوں’ کے خلاف سیکیورٹی فورسز کی کامیاب کارروائی پر اطمینان کا اظہار کیا۔

جواب چھوڑیں

آپ کا ای میل ایڈریس شائع نہیں کیا جائے گا.