Latest Urdu news from Pakistan - Peshawar, Lahore, Islamabad

کورونا وائرس: سعودی عرب سمیت تقریباً تمام اسلامی ممالک میں باجماعت نمازوں کی ادائیگی پر پابندی عائد

سعودی عرب میں اس رمضان با جماعت نماز تراویح نہیں ہوگی

سعودی عرب سمیت تقریباً دنیا کے تمام اسلامی ممالک میں کورونا کی عالمگیر وبا کے پھیلاؤ کے پیش نظر باجماعت نمازوں کی ادائیگی پر پابندی عائد ہے۔

ہر سال لاکھوں کی تعداد میں مسلمان دنیا بھر سے رمضان المبارک میں عمرہ کی ادائیگی اور نماز تراویح پڑھنے کے لیے خصوصی طور پر سعودی عرب جاتے ہیں لیکن کورونا وائرس کی وجہ سے سعودی عرب کی تمام مساجد میں باجماعت نماز کی ادائیگی پر پابندی عائد ہے اور صرف عملے کے مخصوص افراد ہی نماز ادا کر رہے ہیں۔ سعودی عرب کے وزیر برائے اسلامی امورشیخ ڈاکٹر عبداللطیف بن عبدالعزیزالشیخ کا اس حوالے سے کہنا ہے کہ اگر دنیا سے کوروناکا خاتمہ نہ ہوا تو مساجد میں باجماعت نماز پر پابندی برقرار رہے گی۔

شیخ ڈاکٹر عبداللطیف نے اللہ سے کورونا کی وبا سے جلد از جلد نجات دلانے کی دعا کرتے ہوئے کہا کہ فرض نمازوں کی مساجد میں ادائیگی نماز تراویح سے زیادہ ضروری ہے۔

سعودی وزیر برائے اسلامی امور نے کورونا وبا کی روک تھام کے لیے کمیٹی برائے شریعہ سائنس کے قیام کی تجویز بھی دی اور عوام سے اپیل کی کہ وبا کے خاتمے کے لیے اللہ پر یقین رکھیں اور حکومت کی جانب سے دی گئی ہدایات پر عمل کریں۔

کورونا وائرس کے دوران نماز جنازہ کی ادائیگی کے حوالے سے بات کرتے ہوئے سعودی وزیر نے بتایا کہ نماز جنازہ میں زیادہ افراد نہیں ہونے چاہئیں، اگر کوئی کسی شخص کی نماز جنازہ پڑھنا چاہتا ہے تووہ اپنے گھر پر پڑھ سکتا ہے۔

جواب چھوڑیں

آپ کا ای میل ایڈریس شائع نہیں کیا جائے گا.