Latest Urdu news from Pakistan - Peshawar, Lahore, Islamabad

قومی اسمبلی کے اجلاس سے اپوزیشن کے واک آؤٹ کا مقصد حکومت پر دباؤ ڈال کر این آر او لینا ہے۔ وزیر اعظم

اسلام آباد: وزیراعظم عمران خان کا کہنا ہے کہ قومی اسمبلی کے اجلاس سے اپوزیشن کا واک آؤٹ حکومت پر دباؤ ڈال کر این آر او لینے کے لیے ہے۔ وزیراعظم نے اپنے ٹوئٹر بیان میں کہا کہ ہر سال پارلیمنٹ پر عوام کے ٹیکس کے کروڑوں روپے خرچ ہوتے ہیں اور اپوزیشن کی جانب سے اجلاس سے ایک اور واک آؤٹ سے ظاہر ہوتا ہے کہ اپوزیشن صرف یہی کر سکتی ہے۔ وزیراعظم عمران خان نے کہا کہ اس طرح کے اقدامات حکومت پر دباؤ ڈالنے اور این آر او لینے کا حربہ ہیں، اس طرح کرپشن کے خلاف احتساب کو نہیں روکا جاسکتا۔ وزیراعظم کا کہنا تھا کہ نیب کے مقدمات تحریک انصاف کے بنائے ہوئے نہیں ہیں۔

وزیراعظم نے سوال کیا کہ ‘کیا جمہوریت کا مطلب یہ ہے کہ منتخب سیاسی رہنماؤں کو کرپشن سے استثنیٰ حاصل ہے، ایسا لگتا ہے جیسے منتخب نمائندوں کو انتخاب کے بعد لوٹ مار کا لائنسس مل جاتا ہے’۔

جواب چھوڑیں

آپ کا ای میل ایڈریس شائع نہیں کیا جائے گا.