Latest Urdu news from Pakistan - Peshawar, Lahore, Islamabad

مسلم لیگ نون کے رہنما حمزہ شہباز نے وزیراعلی پنجاب کے عہدے کا حلف اٹھالیا

لاہور ہائیکورٹ کے حکم پر اسپیکر قومی اسمبلی راجہ پرویز اشرف نے حمزہ شہباز سے حلف لیا

لاہور(زمل خان) مسلم لیگ نون کے رہنما حمزہ شہباز نے وزیراعلی پنجاب کے عہدے کا حلف اٹھالیا۔
لاہور ہائیکورٹ کے حکم پر اسپیکر قومی اسمبلی راجہ پرویز اشرف نے حمزہ شہباز سے حلف لیا۔ حلف برداری کی تقریب گورنر ہاؤس میں ہوئی۔ جس میں ارکان قومی و صوبائی اسمبلی سمیت بڑی تعداد میں مہمانوں نے شرکت کی۔ انہوں نے وزارت اعلی کا عہدہ سنبھالنے پر حمزہ شہبازکو مبارکباد دی۔
حمزہ شہبازشریف کے فیملی ممبرز بھی تقریب میں شریک ہوئے۔ حمزہ شہباز اور نائب صدرمسلم لیگ ن مریم نواز ایک ہی گاڑی میں گورنر ہاؤس پہنچے۔ مسلم لیگ نون کے کارکنوں نے دیکھو دیکھو کون آیا ۔ شیر آیا شیر آیا اور حمزہ شہباز زندہ باد کے نعرے لگائے۔
حمزہ شہباز نے کہا کہ وزیراعلی کا عہدہ عوام کی حقیقی خدمت کیلئے وقف رہے گا۔ وزارت اعلی کو منصب نہیں سمجھتا۔ اس عہدے کوعوام کی فلاح کیلئے استعمال کروں گا ۔ عوام کے مسائل کا پورا احساس ہے۔ میرا پل پل عوام کے مسائل کے حل کیلئے صرف ہوگا۔
سروسزاینڈ جنرل ایڈمنسٹریشن ڈیپارٹمنٹ گورنمنٹ آف پنجاب نے حمزہ شہبازکابطور وزیراعلی پنجاب حلف اٹھانے کانوٹیفکیشن جاری کردیا ۔ سابق وزیراعلی عثمان بزدار کو کام سے روک دیاگیا۔
پنجاب اسمبلی میں وزیر اعلی کے الیکشن میں حمزہ شہباز نے197ووٹ لیے تھے۔ وہ پنجاب کے 21 ویں وزیراعلی بن گئے ہیں۔یاد رہے کہ گورنر ہاؤس میں دو مرتبہ پہلے بھی حلف برداری کیلئے پنڈال سجایا گیا تھا۔ لیکن حلف برداری نہیں ہوسکی تھی۔

جواب چھوڑیں

آپ کا ای میل ایڈریس شائع نہیں کیا جائے گا.