Latest Urdu news from Pakistan - Peshawar, Lahore, Islamabad

پاکستان سے کرپشن کا لیکج بند کرنا ہوگا.صدر مملکت

اسلام آباد: صدر مملکت ڈاکٹر عارف علوی کا کہنا ہے کہ پاکستان سے کرپشن کا لیکج بند کرنا ہوگا اور بدعنوان عناصر کے اثاثوں کے حوالے سے پوچھا جانا چاہیے۔

انسداد بدعنوانی کے حوالے سے ایوان صدر میں منعقدہ تقریب سے خطاب کرتے ہوئے ڈاکٹر عارف علوی نے کاہ کہ پاکستان کی ترقی میں سب سے بڑی رکاوٹ بدعنوانی ہے، کوئی معاشرہ بدعنوانی سے پاک ہونے کا دعویٰ نہیں کرسکتا، معاشرے میں خوف خدا ہو تو کسی قانون یا عدالت کی ضرورت ہی نہ رہے۔

صدر مملکت نے کہا کہ پاکستان کے اربوں ڈالر سوئس بینک میں پڑے ہیں، ہزاروں اربوں ڈالر چوری کر کے باہر بھیجے گئے اور دو چار ارب کے لیے بھیک مانگتے پھرتے ہیں جب کہ یہاں بچے بھیک مانگنے پھرتے ہیں۔

صدر عارف علوی کا کہنا تھا کہ قانون پر عمل نا ہونے سے معاشرے پر منفی اثرات مرتب ہوئے تاہم نئے پاکستان کے خواب کی تعبیر کے لیے پرامید ہیں اور پاکستان سے کرپشن کا لیکج بند کرنا ہوگا۔

صدر مملکت نے کہا کہ نئے پاکستان کا مطلب یہ ہے کہ قانون کی پاسداری ہو، قیادت کی بنیاد امانت اور سچائی ہے، غیرجانبداری، اہلیت اور حکمت بدعنوانی کے خاتمے میں اہم ہیں۔

جواب چھوڑیں

آپ کا ای میل ایڈریس شائع نہیں کیا جائے گا.