Latest Urdu news from Pakistan - Peshawar, Lahore, Islamabad

برسبین ٹیسٹ کا تیسرا روز، آسٹریلیا کی بلے بازی جاری

برسبین: دو میچوں پر مشتمل ٹیسٹ سیریز کے پہلے میچ کے تیسرے روز کا آغاز سے ہی آسٹریلیا کے بلے بازوں نے پاکستانی گیند بازوں پر دباؤ جاری رکھا ہوا ہے۔

گابا کے میدان میں کھیلے جانے والے میچ میں آسٹریلیا نے 4 وکٹوں کے نقصان پر 500 رنز بنا لئے ہیں۔ نسیم شاہ نے اپنے کریئر کی پہلی وکٹ لینے کامیاب ہوئے ہیں۔ انہوں نے ڈیوڈ وارنر کو 157 کے اسکور پر آؤٹ کیا، ان کے علاوہ یاسر شاہ نے دو کھلاڑیوں کو آؤٹ کیا۔آسٹریلیا کو پاکستان پر 226 رنز کی برتری حاصل ہے جبکہ اس کی مزید6 وکٹیں ابھی باقی ہیں۔

اس سے قبل قومی ٹیم کے کپتان اظہر علی نے ٹاس جیت کر پہلے بلے بازی کا فیصلہ کیا۔ قومی ٹیم کی جانب سے اننگز کا آغاز سلامی بلے باز اظہر علی اور شان مسعود نے کیا۔ دونوں نے پہلی وکٹ کے لئے 74 رنز کی شراکت داری قائم کی۔

شان مسعود 27 رنز بنا کر پٹ کمنز کی گیند پر سیکنڈ سلپ میں اسٹیو سمتھ کو کیچ تھما بیٹھے اور اگلے ہی اوور میں کپتان اظہر علی بھی 39 رنز بنا کر ہیزلووڈ کے ہاتھوں آؤٹ ہوئے۔ سلامی بلے بازوں کے آؤٹ ہونے کے بعد حارث سہیل، بابر اعظم  اور افتخار احمد بھی جلد پولین لوٹ گئے۔ اظہر علی الیون نے 39 گیندوں پر 3 رنز بنا کر چار وکٹیں گنوائیں۔ یکے بعد دیگرے وکٹیں گرنے کے بعد مڈل آرڈر بلے باز اسد شفیق اور یاسر شاہ کے درمیان اچھی شراکت داری قائم ہوئی۔ یاسر شاہ 27 رنز جبکہ اسد شفیق 76 رنز کی بہترین اننگرز کھیل کر آؤٹ ہوئے۔ آسٹریلیا کی جانب سے اسٹارک نے چار، کمننز نے تین جبکہ ہیزل ووڈ نے دو وکٹیں حاصل کیں۔

پاکستان کی جانب سے 16 سالہ نوجوان گیند باز نسیم شاہ آج اپنا پہلا میچ کھیل رہے ہیں جبکہ دیگر کھلاڑیوں میں اظہر علی، شان مسعود، حارث سہیل، اسد شفیق، افتخار احمد، رضوان، یاسر شاہ، نسیم شاہ، شاہین شاہ اور عمران خان شامل ہیں۔

جواب چھوڑیں

آپ کا ای میل ایڈریس شائع نہیں کیا جائے گا.