دبئی ائیر پورٹ پر پھنسے سینکڑوں پاکستانی ڈی پورٹ

حالیہ دنوں میں تقریباً 300 سے زائد پاکستانی شہری مختلف پروازوں کے ذریعے وزٹ ویزے پر دبئی پہنچے تاہم نئی ٹریول پالیسی پر پورا نہ اترنے کی وجہ سے حکام نے انہیں ائیرپورٹ پر ہی روک لیا تھا۔

بدھ کے روز سیاحتی ویزے پر مزید 80 پاکستانی دبئی ایئرپورٹ پر لینڈ کر گئے ہیں اور یہ پاکستانی بھی نئی ٹریول شراط پر پورا نہیں اترتے۔ نئی ٹریول پالیسی کے مطابق متحدہ عرب امارات آنے والے افراد پر لازم ہے کہ وہ ہوٹل کی بکنگ، ریٹرن ٹکٹ اور 2 ہزر درہم کی رقم اپنے ساتھ رکھیں ورنہ انہیں داخلے کی اجازت نہیں دی جائے گی۔

پاکستانی قونصل خانے نے شہریوں کو مطلع کیا ہے کہ ویزے کے ساتھ 2 ہزاردرہم اور ہوٹل بکنگ کروا کر ہی یواے ای آئیں۔