پاکستانی فائٹر احمد مجتبیٰ نے بھارتی فائٹر کو 56 سیکنڈز میں ناک آؤٖٹ کردیا

سنگاپور:پاکستان نے بھارت کو ایک اور محاذ پر دھول چٹا دی، مکس مارشل آرٹس مقابلے میں پاکستانی فائٹر احمد مجتبیٰ نے بھارتی فائٹر کو ہرا دیا۔ تفصیلات کے مطابق سنگاپور میں جاری مکس مارشل آرٹس مقابلے کے دوران پاکستانی فائٹر احمد مجتبیٰ نے بھارتی فائٹر راہول راجو کومحض 56 سیکنڈز میں ہی ناک آؤٹ کردیا۔احمد ’ولورین‘ مجتبی نے راہول ’کیریلا کرشر‘ راجو کو 56 سیکنڈز میں ہی ناک آؤٹ کردیا۔ سنگارپور میں رہنے والے انڈین فائٹر کی پاکستانی فائٹر کے سامنے ایک نہ چلی اوروہ ایک مکا کھاکر نیچے گر پڑا۔پاکستانی فائٹر احمد مجتبیٰ نے آج کی فائٹ مقبوضہ جموں اور کشمیر کے عوام کے نام کردی۔ احمد مجتبیٰ نے اپنے بیان میں کہا ہے کہ پاکستان اور بھارت کے درمیان کھیلوں کے مقابلے ہمیشہ سے ہی دلچسپ رہے ہیں، میں محنت کررہا ہوں مقابلہ جیتنے کے لیے اور آج کی فائٹ پاکستانی اور کشمیری عوام کے نام کرتا ہوں۔