Latest Urdu news from Pakistan - Peshawar, Lahore, Islamabad

کوئٹہ گلیڈی ایٹرز نے رواں پی ایس ایل میں نیا ریکارڈ بنا ڈالا

پاکستان سپر لیگ کے چھٹے ایڈیشن میں میں کوئٹہ گلیڈی ایٹرز نے ملتان سلطانز کو 22 رنز سے شکست دے کر نہ صرف ایونٹ میں اپنی پہلی کامیابی حاصل کرلی بلکہ رواں ایڈیشن میں کسی بھی ٹیم کی جانب سے پہلی اننگز میں بیٹنگ کرنے کے بعد کامیابی حاصل کرنے والی ٹیم بھی بن گئی۔ پاکستان سپر لیگ (پی ایس ایل) میں کوئٹہ گلیڈی ایٹرز  نے ملتان کو جیت کیلئے 177 رنز کا ہدف دیا تاہم ملتان کی ٹیم 19.4 اوورز میں 154 رنز بناسکی۔

ملتان نے ٹاس جیت کر پہلے بولنگ کا فیصلہ کیا جس کے بعد کوئٹہ نے اچھا آغاز ملنے کے باوجود اننگز کے درمیان میں وکٹیں کھو دیں اور مقررہ 20 اوورز میں 176 رنز اسکور کیے۔

کوئٹہ گلیڈی ایٹرز کی یہ رواں ایونٹ میں پہلی کامیابی ہے۔ 2019 میں ایونٹ کی چیمپئن رہنے والی کوئٹہ کی ٹیم کو گزشتہ روز اسلام آباد یونائیٹڈ کے ہاتھوں شکست کا سامنا کرنا پڑا تھا۔ قبل ازیں کل پہلے میچ میں کراچی کنگز نے سنسنی خیز مقابلے کے بعد پشاور زلمی کو شکست دی تھی۔

جواب چھوڑیں

آپ کا ای میل ایڈریس شائع نہیں کیا جائے گا.