وادی کے حسن کی بحالی کیلئے محکمہ جنگلات نے پودے لگانے کے ایک منصوبے کا آغاز کیا ہے۔ منصوبے کے تحت دریا کنارے 3 لاکھ پودے لگائے جائیں گے جس سے ماحول کی بہتری میں مدد ملے گی اور اس مقصد کیلئے محکمہ جنگلات نے عوام میں مفت پودے تقسیم کرنے کیلئے جگہ جگہ بڑی بڑی نرسریاں بھی قائم کردی ہیں۔
ایس ڈی ایف او شریف اللہ خان کا کہنا ہے کہ شیرپلم ریور بینک پر ابھی تک 17 ہزار پودے لگ چکے ہیں جس کا مقصد ہے کہ دریائے سوات کا حسن بحال کرنا، زمینی کٹاؤ روکنا اور ماحول کو موسمیاتی تبدیلی سے محفوظ رکھنا ہے۔ سوات کے لوگ بھی اپنی زمين کو سرسبز بنانے کیلئے پُرعزم نظر آتے ہيں۔ شہریوں کا کہنا ہے کہ دریائے سوات میں غیر قانونی کھدائی سے کافی نقصان پہنچا ہے اب یہ ہماری ذمے داری ہے کہ ہم درخت لگائيں۔