Latest Urdu news from Pakistan - Peshawar, Lahore, Islamabad

افغانستان کے شہر قندھار میں بم دھماکا، 16 افراد جاں بحق

0 111

افغانستان کے جنوبی شہر قندھار کی مسجد میں نماز جمعہ کے دوران ہونے والے دھماکے میں 16 افراد جاں بحق اور درجنوں زخمی ہو گئے۔  افغان وزارت داخلہ کے ترجمان قاری سعید خوستی نے کہا کہ حکام دھماکے کی تفصیلات اکٹھا کر  رہے ہیں۔  مقامی صوبائی کونسل کے ایک سابق رکن نعمت اللہ وفا نے بتایا ہے کہ مسجد میں ہونے والے دھماکے میں بھاری جانی نقصان ہوا تاہم فوری طور پر کوئی تفصیلات نہیں ہیں۔

دوسری جانب مقامی حکام کا بتانا ہے کہ دھماکے میں 16 افراد ہلاک اور 40 سے زائد زخمی ہوئے، زخمیوں کو طبی امداد کے لیے مختلف اسپتالوں میں منتقل کر دیا گیا ہے۔

یاد رہے گزشتہ جمعے کو بھی شمالی شہر قندوز میں ایک مسجد میں بم دھماکے میں  متعدد افراد ہلاک ہوئے۔ قندوز دھماکے کی ذمہ داری داعش نے قبول کی تھی۔

جواب چھوڑیں

آپ کا ای میل ایڈریس شائع نہیں کیا جائے گا.