پنجاب کا سیاسی کوڑا کرکٹ گٹر میں پھینکا جائے گا، شیخ رشید

راولپنڈی( ویب ڈیسک) عوامی مسلم لیگ کے سربراہ سابق وزیر داخلہ شیخ رشید نے کہا ہے کہ سپریم کورٹ کی خودمختاری کو آئینی تحفظ حاصل ہے۔ من پسند قانون سازی نہیں ہو سکتی۔

سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنا بیان جاری کیا ۔ شیخ رشید نے کہا کہ پنجاب کا سیاسی کوڑا کرکٹ گٹر میں پھینکا جائے گا۔ نیب کی من پسند ترمیم بھی ختم ہو گی۔ اوورسیز کو ووٹ کا حق بھی ملے گا۔

سپریم کورٹ کی خودمختاری کو آئینی تحفظ حاصل ہے،اسکے اختیارات کو بڑھایا جا سکتا ہے گھٹایا نہیں جا سکتا۔ سپریم کورٹ کو قاتل عدلیہ کہا گیا۔ سپریم کورٹ کو جیب کی گھڑی ہاتھ کی چھڑی نہیں بنایا جاسکتا اور نہ ہی گورنر راج لگایا جا سکتا ہے۔ ڈالر 250 کا اور 7 ارب ڈالر کے ذخائر کم ہو گئے ہیں

— Sheikh Rashid Ahmed (@ShkhRasheed) July 28, 2022

” rel=”noopener” target=”_blank”>

شیخ رشید نے مزید کہا کہ ماڈل ٹاؤن کے شہیدوں کو انصاف ملے گا۔ ملکی اثاثے بیچنے سے پہلے ہی ان کا کھیل ختم ہو جائے گا۔ نہ من پسند قانون سازی ہوگی اور نہ نواز شریف واپس آئے گا۔ سربراہ عوامی مسلم لیگ شیخ رشید نے دعویٰ کیا ہے کہ اکتوبر،نومبر میں جنرل الیکشن ہوں گے۔عدالت عظمیٰ کے اختیارات سے متعلق وزرا کے بیانات پر ردعمل دیتے ہوئے شیخ رشید نے کہا کہ سپریم کورٹ کی خود مختاری کو آئینی تحفظ حاصل ہے، اس کے اختیارات کو بڑھایا جا سکتا ہے گھٹایا نہیں جا سکتا، سپریم کورٹ کو قاتل عدلیہ کہا گیا۔

انہوں نے مزید کہا کہ سپریم کورٹ کو جیب کی گھڑی، ہاتھ کی چھڑی نہیں بنایا جاسکتا اور نہ ہی گورنر راج لگایا جا سکتا ہے، ڈالر 250 کا اور 7 ارب ڈالر کے ذخائر کم ہو گئے ہیں۔