اب پاکستانی صارفین بھی فیس بک سے کمائی کرسکیں گے، بلاول بھٹو زرداری کا بڑا اعلان

سنگاپور سٹی( ویب ڈیسک) وزیر خارجہ بلاول بھٹو زرداری نے کہا ہے کہ پاکستان کے فیس بک صارفین نئے فیچر اسٹار کی بدولت مونی ٹائزیشن کے بعد اپنی تخلیقات کا معاوضہ حاصل کرسکیں گے۔
وزیر خارجہ بلاول بھٹو زرداری نے سنگاپور میں میٹا(فیس بک) ایشیا پیسیفک ہیڈکوارٹر کا دورہ کیا۔ میٹا کے نمائندگان سے ملاقات کی جس میں پاکستان کے صارفین کے حوالے سے ایک خوش خبری بھی سننے کو ملی۔
وزیر خارجہ بلاول بھٹو نے ٹوئٹر پر اپنے ویڈیو پیغام میں بتایا کہ پاکستان کو ایک اور اعزاز حاصل ہوگیا۔ اب میٹا کمپنی کی ایپ فیس بک سے پاکستانی شناختی کارڈ کے حامل صارفین بھی اپنی تخلیقات کو ذريعہ آمدن بنا سکیں گے۔

بلاول بھٹو زرداری نے مزید بتایا کہ انسٹاگرام اور فیس بک کی مالک کمپنی میٹا جلد پاکستان میں سرمایہ کاری کرے گی۔ پاکستان میں مونی ٹائزیشن کے لیے “اسٹارز پروگرام” کا آغاز بھی کر دیا گیا۔

With this new feature now live in 🇵🇰 creators can monetize their Facebook content. The more stars they get the more money they will earn. Hoping the youth of Pakistan in particular will get more productive use out of their social media. https://t.co/RzewgYv8yQ https://t.co/UX20W0MmQH pic.twitter.com/7KmrJt5UWe

— BilawalBhuttoZardari (@BBhuttoZardari) December 10, 2022

” rel=”noopener” target=”_blank”>

وزیر خارجہ نے بتایا کہ  “اسٹارز پروگرام” کے تحت جو بھی پاکستانی صارفین فیس بک پر اپنی تخلیقات ویڈیو کی صورت میں شیئر کریں گے ۔ دیکھنے والے انھیں جتنے اسٹارز دیں گے۔ اس حساب سے ویڈیو اپ لوڈ کرنے والے کو پیسے ملیں گے۔

وزیر خارجہ نے مزید کہا کہ اس سہولت سے سب سے زیادہ فائدہ خواتین اُٹھاسکتی ہیں جو گھر بیٹھے اپنی آمدنی میں اضافہ کرسکتی ہیں۔