سعودی عرب کی ایک نیک دل خاتون نے اپنے شوہر کو دوسری شادی پر پیار بھرے پیغام کے ساتھ 2024 کے ماڈل کی نئی کار تحفے میں دے دی۔ میڈیا رپورٹ میں مقامی اخبار کا حوالہ دیتے ہوئے سعودی خاتون کی جانب سے قائم منفرد مثال کا ذکر کیا گیا ہے۔ رپورٹ کے مطابق سعودی خاتون نے شوہرکی دوسری شادی پر عام بیویوں کی طرح واویلا مچانے کے بجائے خاوند کو قیمتی گاڑی کا تحفہ اور نیک تمنائیں دیکر ایک نئی مثال قائم کی۔
پیغام میں پہلی بیوی کی جانب سے لکھا گیا تھا کہ ’آپ نے میرے ساتھ اچھی زندگی گزاری، اللہ کا شکر ادا کرتی ہوں جس نے آپ جیسے معزز ترین شخص کو میرا خاوند بنایا، آرزو تھی کہ آج کے دن میں آپ کے ساتھ رہوں تاہم اس موقع پر بس یہی کہہ سکتی ہوں کہ اللہ تعالی آپ کو کامیابی سے نوازے، آپ کی پیاری بیوی‘۔
پہلی بیوی کے تحفے اور پیغام نے سوشل میڈیا صارفین کو ایک نئی بحث میں ڈال دیا جہاں کچھ صارفین مزید خواتین کو بھی اس خاتون کے نقش قدم پر چلنے کی تلقین کرتے نظر آ رہے ہیں۔
