آج پیپلز پارٹی کے نامزد گورنر خیبرپختونخوا فیصل کریم کنڈی اپنے عہدے کا حلف اٹھائیں گے۔
آج تقریب حلف برداری گورنر ہاؤس پشاور میں 4 بجے منعقد کی جائے گئی، تقریب میں شرکت کرنے کے لئے مہمانوں کو دعوت نامے بھیج دیئے گئے ہیں۔یاد رہے کہ گزشتہ روز وزیر اعظم شہباز شریف سے پیپلز پارٹی کے چیئرمین بلاول بھٹو زرداری نے ملاقات کی تھی۔بلاول بھٹو زرداری کی طرف سے ملاقات میں سردار سلیم کو گورنر پنجاب، فیصل کریم کنڈی کو گورنر خیبرپختونخوا تعینات کرنے کی تجویز دی گئی تھی جس پر وزیر اعظم نے اتفاق کر لیا تھا، جبکہ جعفر مندوخیل کو گورنر بلوچستان بنانے اور کامران ٹیسوری کو گورنر سندھ برقرار رکھنے کا فیصلہ کیا گیا ہے۔