سندھ اور پنجاب کے مختلف شہروں میں گرمی زور پکڑنے لگی

 آج بھی ملک کے بیشتر علاقوں میں موسم گرم اور خشک رہے گا، پنجاب میں ماہر ماحولیات نے ہیٹ ویو کا خدشہ ظاہر کر دیا۔صوبائی دارالحکومت لاہور میں گرمی کی شدت میں بتدریج اضافہ دیکھنے میں آ رہا ہے۔محکمہ موسمیات کے مطابق لاہور میں درجہ حرارت کم سے کم 24 جبکہ زیادہ سے زیادہ 41 ڈگری سینٹی گریڈ تک جانے کا امکان ظاہر کیا گیا ہے، شہر میں 11 مئی تک گرمی کا زور برقرار رہے گا، جبکہ بارش کا کوئی امکان نہیں ہے۔

دوسری طرف شہر قائد میں سورج کا پارہ ہائی ہونے لگا ہے، آج پارہ 36 سے 38 ڈگری سینٹی گریڈ تک جانے کا امکان ہے جبکہ اس کے برعکس دن میں گرمی کی شدت 40 سے 42 ڈگری سینٹی گریڈ تک محسوس کی جائے گی۔موسم کا احوال بتانے والوں نے کہا ہے کہ  اس وقت شہر میں مطلع صاف اور تیز دھوپ کے ساتھ موسم گرم ہے، موجودہ درجہ حرارت 30 ڈگری سینٹی گریڈ ہے جبکہ گرمی کی شدت 34 ڈگری سینٹی گریڈ تک محسوس کی جا رہی ہے۔محکمہ موسمیات نے تمام شہریوں کو دوپہر کے اوقات میں باہر کم نکلنے، سایہ دار جگہوں پر رہنے اور پانی زیادہ پینے کی ہدایت کی ہے۔