ضلع نوشہرہ میں سانحہ 9 مئی کے حوالے سے مختلف علاقوں میں ریلیاں نکالی گئیں ہیں۔
ریلی میں عمائدین علاقہ سمیت بلدیاتی نمائندوں اور تاجر برادری نے بھرپور انداز میں شرکت کی اورساتھ ہی اس دوران پاک فوج کے حق میں نعرے بھی لگائے۔تمام مظاہرین نے سانحہ 9 مئی کے حوالے سے افسوس کا اظہار کرتے ہوئے کہا کہ 9 مئی کا سانحہ پاکستان کی تاریخ کا بدترین واقعہ ہے۔مظاہرین کے مطابق اس دن پاکستان کی عظمت اور شہداء کی یاد گاروں کی حرمت کو پامال کیا گیا تھاجس کی ہم شدید الفاظ میں مذمت کرتے ہیں۔ریلی شرکاء کے مطابق اس دن ہونے والے واقعات کے ذمہ داران کے خلاف سخت کارروائی کی جانی چاہئے۔