نیتن یاہو کے خلاف اسرائیل میں بھرپور مظاہرے کئے جارہے ہیں
اسرائیلی فورسز کی طرف سے قتل عام کا سلسلہ غزہ میں جاری ہے،اسرائیل بھر میں ایسی صورتحال میں نیتن یاہو کے خلاف غم و غصہ بھی جاری ہے۔غیر ملکی ذرائع ابلاغ کے مطابق ایک بار پھر دارالحکومت تل ابیب میں یرغمال خاندان اور ان کے حامی سڑکوں پر نکل آئے ہیں۔اسرائیلی قیدیوں کے رشتہ دار اور حامی جنگ بندی کا مطالبہ کرنے کے لیے وزارت دفاع کی عمارت کے سامنے بڑی تعداد میں جمع ہوئے۔
تمام مظاہرین نے وزارت دفاع کی عمارت سے ملک کی سب سے بڑی مزدور یونین ہسداتروت کے ہیڈکوارٹر تک مارچ کیا۔حکومت پر اس دوران قیدیوں کے تبادلے کے معاہدے پر دستخط کرنے کے لیے دباؤ ڈالا گیا۔مظاہرین نے مطالبہ کیا کہ فلسطینی مزاحمتی تحریک حماس کے ہاتھوں یرغمال بنائے گئے اور افراد کی جلد از جلد وطن واپسی کا بندو بست ممکن کیا جائے۔