ٹانک میں پولیو ڈیوٹی پر تعینات پولیس وین پر مسلح افراد نے فائرنگ کی ہے۔
خیبرپختونخوا کے ضلع ٹانک میں پولیو ڈیوٹی پر مامور پولیس وین پر نامعلوم مسلح افراد نے فائرنگ کی ہے۔ ،تاہم کوئی جانی نقصان نہیں ہوا ۔پولیس ذرائع کے مطابق ٹانک کے علاقے پنگ میں پولیس وین پولیو ویکسینیشن ٹیم کی حفاظت پر مامور ڈیوٹی دے رہی تھی۔اچانک نامعلوم مسلح افراد کی طرف سے فائرنگ کی گئی ۔
وین میں ڈی ایس پی بمعہ نفری موجود تھے، پولیس کی جوابی کارروائی کے دوران ہی نامعلوم افراد فرار ہونے میں کامیاب ہوگئے۔فائرنگ کے باعث پولیس وین کو جزوی نقصان ہوا ہے۔