ٹانک:سیکیورٹی فورسز کا آپریشن، 4 دہشت گرد مارے گئے

ٹانک میں سیکیورٹی فورسز نے آپریشن کیا، جس کی وجہ سے 4 دہشت گرد مارے گئے ہیں۔

سیکیورٹی فورسز نے ضلع ٹانک میں انٹیلی جنس بیسڈ آپریشن کیا ہے، جس کے نتیجے میں 4 دہشت گردوں کو ماردیا گیا ہے۔پاک فوج کے شعبہ تعلقات عامہ(آئی ایس پی آر) کے مطابق سیکیورٹی فورسز نے ضلع ٹانک میں انٹیلی جنس بیسڈ آپریشن کیا ہے، اس دوران شدید فائرنگ ہوئی جس کی وجہ سے 4 دہشت گرد جہنم واصل کر دے گئے ہیں۔آئی ایس پی آر کے مطابق ہلاک دہشت گرد علاقے میں دہشت گردی کی متعدد کارروائیوں میں ملوث تھے، اس آپریشن کے دوران بھاری مقدار میں اسلحہ اور گولہ بارود بھی برآمد کر لیا گیا۔پاک فوج کے شعبہ تعلقات عامہ کے مطابق مقامی لوگوں نے سیکیورٹی فورسز کے اس آپریشن کو خوب سراہا ہے، سیکیورٹی فورسز ملک سے دہشت گردی جیسی لعنت کے خاتمے کے لیے پرعزم ہیں۔