راولپنڈی:احتساب عدالت کے جج محمد علی وڑائچ نے اڈیالہ جیل میں نئے توشہ خانہ ریفرنس کیس کی سماعت کی ۔
ڈپٹی ڈائریکٹر نیب محسن ہارون نے دونوں کے جسمانی ریمانڈ کی استدعا کی۔
عدالت نے بانی پی ٹی آئی اور بشری بی بی کا 8 دن کا جسمانی ریمانڈ منظور کرکے دونوں کو 22 جولائی کو دوبارہ پیش کرنے کا حکم دیدیا۔
بانی پی ٹی آئی اور بشری بی بی کو اڈیالہ جیل میں ہی رکھا جائے گا۔
نئے نیب ریفرنس کے مطابق بانی پی ٹی آئی اور بشری بی بی پر توشہ خانہ سے قیمتی جیولری سیٹ سستے داموں خرید کر مہنگے داموں فروخت کرنے کا الزام ہے۔ جیولری سیٹ کی کل مالیت 7 کروڑ 50 لاکھ روپے تک بنتی ہے۔
