جنوبی وزیرستان کے علاقے وانا میں تین روز کے دوران چار افراد کو اغوا کے بعد قتل کر دیا گیا، مقتولین میں تین تاجر اور ایک پولیس اہلکار شامل۔ پولیس ذرائع کے مطابق رستم اڈا وانا سے دو روز قبل تاجررہنما ریاض خان کو اغوا کے بعد قتل کیا گیا جبکہ اغوا کیے گئے تاجر رہنما حافظ اللہ کی لاش ڈوگ کے علاقے سے ملی۔ دوسری جانب گزشتہ روز وانا کی تحصیل برمل سے پولیس اہل کار صدام وزیر سمیت دو افراد کی گولیوں سے چھلنی لاشیں ملیں۔
اس سے قبل بھی مختلف واقعات میں پولیس اور عمائدین پر حملے کیے گئے، جن میں متعدد پولیس اہلکار جامِ شہادت نوش کر چکے ہیں۔ تھانا اعظم ورسک پر بھی نامعلوم مسلح افراد کی جانب سے رات کے وقت فائرنگ کا سلسلہ جاری رہتا ہے۔
