اسلام آباد(عمر سیالوی) خیبر نیٹ ورک کی جانب سے اسلام آباد کے ڈائمنڈ کرکٹ گراؤنڈ میں خیبرسپر لیگ کا انعقاد کیا گیاہے ۔ جس کا آج پہلا روز تھا۔ کے ٹو مارخورز نے اپنا مقابلہ جیت کر سیمی فائنل میں جگہ بنا لی۔
پہلے مقابلے میں ڈان ٹائیگرز کا مقابلہ جیو سٹرائیکرز کے ساتھ ہوا جس میں ڈان ٹائیگرز نے مقررہ 8 اوورز میں چھ وکٹوں کے نقصان پر 126 رنز بنائے ۔ جواب میں جیو سٹرائیکرز سات وکٹوں کے نقصان پر 108 رنز ہی بنا سکی۔ یوں ڈان ٹائیگرز نے جیو سٹرائیکرز کو 19 رنز سے شکست دیدی۔ دوسرا مقابلہ ہم نیوز واریئرز اور سماء فائیٹرز کے درمیان ہوا۔ جس میں سما فائیٹرز نے پہلے کھیلتے ہوئے مقررہ اوور 8 وکٹوں کے نقصان پر 107 رنز سکور کیے ۔ جس کے جواب میں ہم نیوز واریئرز نے 7 وکٹوں کے نقصان پر آخری اوور میں ٹارگٹ حاصل کرکے سماء فائیٹرز کو شکست دیدی۔ ٹورنامنٹ کا تیسرا مقابلہ خیبر شاہینز اور جیو سٹرائیکرز کے درمیان ہوا۔ جیو سٹرائیکرز نے پہلے کھیلتے ہوئے خیبرز شاہینز کو 8 وکٹوں کے نقصان پر 90 رنز کا ہدف دیا جس کے جواب میں خیبر شاہینز مقررہ اوورز میں 8 وکٹوں کے نقصان پر صرف 63 سکور بنا سکی ۔ ٹورنامنٹ کا چوتھا مقابلہ کے ٹور مار خورز اور سماء فائیٹرز کے درمیان ہوا۔ کے ٹور مارخور نے پہلے کھیلتے ہوئے 7 وکٹوں کے نقصان پر 133 رنز سکور کیے ۔ ہدف کے تعاقب میں سماء فائیٹرز مقررہ اوورز میں چار وکٹوں کے نقصان پر صرف 123 رنز بنا سکے یوں کے ٹو مارخورز نے سما ء فائیٹرز کو 10 رنز سے شکست دیدی۔ پہلے دن کا آخری مقابلہ خیبر شاہینز اور ڈان ٹائیگرز کے درمیان ہواڈان ٹائیگرز نے مقررہ 4 اوورز میں 3 وکٹوں کے نقصان پر 72 رنز کا ہدف دیا۔ ہدف کے تعاقب میں خیبر شاہینز مقررہ چار اوورز میں 5 وکٹوں کے نقصان پر صرف 40 سکور بنا سکی اور یوں یہ مقابلہ ڈان ٹائیگرز نے 32 رنز اپنے نام کرلیا ۔ یوں خیبر شاہینز اور سماء فائیٹرز دو ، دو میچ ہارنے کے بعد ٹورنامنٹ سے باہر ہوگئیں۔ کل بدھ کو ٹورنامنٹ کے آخری روز تین میچ کھیلے جائیں گے جس میں دو سیمی فائنل اور ایک میچ فائنل ہوگا۔ پہلا سیمی فائنل ڈان ٹائیگرز اور کے ٹومارخورز کے درمیان کھیلا جائیگا جبکہ دوسرا سیمی فائنل ہم نیوز واریئرز اور جیوسٹرائیکرز کے درمیان ہوگا۔
