سابق امریکی صدر ڈونلڈ ٹرمپ پر فائرنگ،قاتلانہ حملے میں زخمی،حملہ آور ہلاک

خبر رساں ایجنسی کے مطابق سابق امریکی صدر ڈونلڈ ٹرمپ انتخابی مہم کے دوران  زخمی ہوئے ہیں، ان کے چہرے اور دائیں کان پر خون دیکھا گیا ہے۔
خبر رساں ادارے کے مطابق واقعے کے بعد فوری جوابی کارروائی میں حملہ آور کو ہلاک کر دیا گیا ہے۔
کاؤنٹی پراسیکیوٹر کا کہنا ہے کہ ریلی میں فائرنگ سے ایک شخص ہلاک ہوا ہے۔اور مزید تحقیقات جاری ہیں۔
ڈونلڈ ٹرمپ کی انتخابی مہم کے ترجمان اسٹیون چیونگ کے مطابق سابق صدر ٹھیک ہیں اور ان کا طبی معائنہ کیا جا رہا ہے۔
اسٹیون چیونگ نے کہاکہ واقعے کی تحقیقات جاری ہیں اور اس کی مزید مزید معلومات میڈیا کو جاری کی جائیں گی۔
وائٹ ہاؤس کا کہنا ہے کہ صدر جو بائیڈن کو واقعے سے متعلق تفصٰلی بریفنگ دی گئی ہے۔