اسلام آباد: سپریم کورٹ نے چیئرمین پی ٹی آئی عمران خان کو ساڑھے 4 بجے تک پیش کرنے کا حکم دے دیا۔ عمران خان کو پیش کرنے کے حکم پر پولیس پی ٹی آئی چیئرمین کو لیکر سپریم کورٹ روانہ ہو گئی۔ سپریم کورٹ میں عمران خان کی گرفتاری کو گزشتہ روز چیلنج کیا گیا تھا جس میں پی ٹی آئی رہنما فواد چوہدری نے عدالت میں درخواست دائر کی تھی۔ عدالتی حکم کی تعمیل کے لیے پولیس نے سپریم کورٹ کے ارد گرد سخت حفاظتی انتظامات کر رکھے ہیں۔
چیف جسٹس پاکستان جسٹس عمر عطا بندیال کی سربراہی میں جسٹس محمد علی مظہر اور جسٹس اطہر من اللہ پر مشتمل تین رکنی بینچ سماعت کررہا ہے۔
