پشاور پولیس نے مراعات سے متعلق معلومات حاصل کرنے کے لیے پنجاب پولیس کو خط ارسال کردیا۔ سی سی پی او پشاور کی جانب سے پنجاب پولیس کو خط لکھا گیا ہے۔ خط میں کہا گیا ہےکہ پنجاب پولیس کو روزمرہ الاؤنس اور رسک الاؤنس کی تفصیلات مہیا کی جائیں، پنجاب پولیس کے علاج معالجے کے ایس او پیز اور تعلیمی اخراجات پالیسی کی تفصیلات بھی دی جائیں۔
خط کے مطابق آئی جی خیبر پختونخوا کو 2 ہفتے قبل پولیس دربار میں پنجاب پولیس کے الاؤنسز سے متعلق بتایا گیا تھا، آئی جی خیبرپختونخوا پولیس کو پنجاب پولیس کے برابر مراعات دینا چاہتےہیں۔ خط میں پنجاب پولیس کے سروس اسٹرکچر، الاؤنسز اور دیگر مراعات سے متعلق بھی معلومات مانگی گئی ہیں۔
