کوئٹہ میں کاؤنٹر ٹیرر ازم ڈپارٹمنٹ (سی ٹی ڈی) نے کارروائی کرتے ہوئے 3 مبینہ اغواکاروں کو ہلاک کر دیا۔ ترجمان سی ٹی ڈی کے مطابق کوئٹہ میں اغوا برائے تاوان کے ملزمان کے خلاف کارروائی کی گئی، فائرنگ کے تبادلے میں 3 مبینہ اغوا کار ہلاک ہو گئے۔ سی ٹی ڈی ترجمان کا کہنا ہے کہ اغوا کاروں کے قبضے سے مغوی بچہ بھی بازیاب کروا لیا گیا ہے.
ترجمان سی ٹی ڈی کے مطابق اغوا کاروں کے قبضے سےاسلحہ و گولہ بارود برآمد ہوا، ہلاک ملزمان کا تعلق کالعدم تنظیم سے بتایا جاتا ہے۔ یاد رہے کہ اس سے قبل کوئٹہ میں واشک کے علاقے بسیمہ میں سی ٹی ڈی اہلکاروں کے ساتھ فائرنگ کے تبادلے میں 5 مبینہ حملہ آور مارے گئے تھے۔
