شمالی نائیجیریا کی ریاست کدونا میں جشن عید میلاد النبیؐ صلی اللہ علیہ وآلہ وسلم میں شرکت کیلئے جانے والی بس شدید حادثے کا شکار ہوگئی، جس کی وجہ سے 26 بچے جان کی بازی ہار گئے ہیں۔
غیر ملکی ذرائع ابلاغ کے مطابق یروڈ سیفٹی ایجنسی ایف آر ایس سی کے مقامی دفتر کے سربراہ کبیرو نادابو نے بتایا ہے کہ تیز رفتاری کی وجہ سے بس ڈرائیور نے بس پر کنٹرول کو کھو دیا جس کی وجہ سے بس ٹرک سے ٹکرا گئی۔
اس افسوسناک حادثے کی وجہ سے بچوں اور منتظمین سمیت 40 افراد شدید زخمی ہو گئے ہیں،اس حادثے کے وقت بس میں 63 کے قریب بچے موجود تھے،جبکہ اس کے برعکس بس ڈرائیور غیر ذمہ داری سے بس ڈرائیو کررہا تھا۔
اس حادثے میں 15 بچے موقع پر ہی جان کی بازی ہار گئے جبکہ 48 زخمیوں کو مختلف اسپتالوں میں منتقل کردیا گیا ہے، جہاں مزید 10بچوں نے دم توڑ گئے ہیں۔
مزید ندابو کے مطابق اس حادثے کا شکار ہونے والے بچے کواندارے گاؤں سے تھے اور یہ جشن میلاد النبیؐ صلی اللہ علیہ وآلہ وسلم کی سالانہ تقریبات کے لیے قریبی قصبے سمیناکا کی جانب جارہے تھے۔
