اسلام آباد:پارلیمنٹ ہاوس سے ہونے والی گرفتاریوں پرسپیکر ایاز صادق نے قومی اسمبلی کے سارجنٹ ایٹ آرمز سمیت 5 سکیورٹی اہل کاروں کو معطل کردیا۔
اسپیکر قومی اسمبلی ایاز صادق نے سارجنٹ ایٹ آرمز کو 4 ماہ کے لیے معطل کیا ہے۔ اس کے علاوہ پارلیمنٹ میں سکیورٹی میں ناکامی پر دیگر 4 سکیورٹی اہلکاروں کو بھی معطل کردیا گیا ہے۔
معطل کیے گئے سکیورٹی اہل کاروں میں سکیورٹی اسسٹنٹ وقاص احمد اور 3 جونیئر سکیورٹی اسسٹنٹ عبیداللہ، وحید صفدر اور محمد ہارون شامل ہیں۔
سارجنٹ ایٹ آرمز اشفاق اشرف اور دیگر اہلکاروں کو سکیورٹی میں غیر ذمے داری برتنے پر معطل کیا گیا۔
