ضلع کرک میں پولیس اور سی ٹی ڈی کے مشترکہ آپریشن میں 5 دہشتگرد ہلاک کر دئیے گئے۔
پولیس حکام کے مطابق کرک کے علاقے میر کلام بانڈہ میں سکیورٹی فورسز نے مشترکہ آپریشن کیا، آپریشن علی الصبح دہشتگردوں کی موجودگی کی اطلاع پر کیا گیا۔ پولیس حکام کا کہنا ہے کہ آپریشن میں 5 دہشتگرد ہلاک ہوئے جبکہ سی ٹی ڈی اور پولیس کا کوئی جانی نقصان نہیں ہوا۔ حکام کے مطابق ہلاک دہشتگردوں کی لاشیں ڈی ایچ کیو اسپتال منتقل کر دی گئی ہیں۔
