پشاور میں حلقہ این اے 32 سے پاکستان تحریک انصاف کے 9 امیدوار آمنے سامنے ہیں۔ ان امیدواروں میں آصف خان، شیرافضل مروت اور عرفان سلیم کا نام امیدواروں کی فہرست میں شامل ہے جبکہ پی ٹی آئی کے قاسم علی شاہ، خالد مسعود، ظہور قادر نے بھی این اے 32 سے کاغذات نامزدگی جمع کرا رکھے ہیں۔
تحریک انصاف کے رہنما الیاس محمد، صمد مرسلین اور رضوان بنگش بھی این اے 32 سے امیدوار ہیں۔ اے این 32 سے انتخابات لڑنے والے جاوید نسیم بھی پی ٹی آئی کا حصہ رہ چکے ہیں۔ میڈیا سے بات کرتے ہوئے پی ٹی آئی خیبرپختونخوا کے ترجمان ظاہر شاہ طورو نے کہا کہ پارٹی نے آصف خان کو اپنا امیدوار نامزد کیا ہے اور دیگر امیدوار پارٹی کے نامزد کردہ امیدوار کے حق میں دستبردار ہو جائیں گے۔
