کوئٹہ: بلوچستان کے ضلع موسیٰ خیل سے اغوا کیےگئے 20 مزدوروں کو چھوڑ دیا گیا ہے۔
پولیس کے مطابق مزدور قومی شاہراہ پر تعمیراتی کمپنی کے کیمپ میں کام کر رہے تھے، مسلح افراد نے پہلے کیمپ پر فائرنگ کی اور پھر مزدوروں کو اغواء کر کے اپنے ساتھ لے گئے تھے۔
موسیٰ خیل پولیس نے بتایا کہ مسلح افراد نے تعمیراتی کمپنی کے زیر استعمال 8 بلڈوزر بھی نذر آتش کر دیا تھا۔
پولیس کے مطابق نامعلوم مسلح افراد نےگیس کمپنی کےکیمپ سے آج صبح 20 مزدوروں کو اغوا کیا تھا۔ مسلح افراد نے فائرنگ کے بعدگیس کمپنی کے 8 بلڈوزر جلا دیے تھے۔
پولیس حکام کا کہنا ہے کہ واقعے سے متعلق تحقیقات کر رہے ہیں۔
واضح رہے کہ مزدوروں کے اغوا کی خبر سامنے آنے پر صوبائی حکومت نے تردید کی تھی اور کہا تھا کہ یہ خبر بے بنیاد ہے اور علاقے سے کسی کو اغوا نہیں کیا گیا ہے ۔
