اسلام آباد: وزیر دفاع خواجہ آصف نے پی ٹی آئی چیئرمین بیرسٹر گوہر کے اسلام آباد میں سیکڑوں ہلاکتوں سے دستبرداری کے بیان پر اپنے ردعمل میں کہا ہے کہ پی ٹی آئی کے لوگوں نے غزہ کے شہدا کی تصاویر سوشل میڈیا پر اسلام آباد کے مظاہرین سے منسوب کی ۔
پی ٹی آئی چیئرمین بیرسٹر گوہر کے اسلام آباد میں سیکڑوں ہلاکتوں سے دستبرداری کے بیان پر خواجہ آصف نے اپنے ایک بیان میں ردعمل دیتے ہوئے کہا کہ صرف لاتعلقی کافی نہیں ہے، ان کے بیانات کے بعد ایک جھوٹ اور بہتان کا سیلاب آگیا ہے۔
خواجہ آصف نے کہا کہ علی امین گنڈا پور سمیت پی ٹی آئی کی تمام اعلیٰ قیادت نے ٹی وی پر بیٹھ کر ہزاروں ہلاکتوں کا دعویٰ کیا، ایک صاحب نے تو 278 کے اعداد ایسے بتائی جیسے انہوں نے خود لاشیں گنی ہیں۔
وزیر دفاع نے چیلنج کیا کہ ہمارا مطالبہ ہے کہ پی ٹی آئی 12 ہلاکتوں کے حوالے سے بھی ثبوت سامنے لائے، کسی کے جنازے کی تصویر یا پھر ورثا کی معلومات ہوں تو سامنے لایا جائے ۔
خواجہ آصف نے بیرسٹر گوہر کو مخاطب کرتے ہوئے کہا کہ گوہر صاحب آپ کے لوگوں نے غزہ کے شہیدوں کی تصاویر ایکس پر شیئر کیں، معذرت کے ساتھ یہ جعلسازی اور فراڈ تحریک انصاف کے کلچر سے متعلق بہت کچھ بیان کرتا ہے۔
