ایران کی رجائی بندرگاہ پر گزشتہ روز ہونے والے زوردار دھماکے میں 14 افراد کے جاإ بحق ہونے کی تصدیق ہو گئی ہے جبکہ زخمیوں کی تعداد بھی 750 سے تجاوز کر گئی ہے ۔
عالمی خبر رساں ادارے کے مطابق یہ خوفناک دھماکہ گزشتہ روز شام کو جنوبی ایران کے شہر بندر عباس کی شہید رجائی بندرگاہ سے منسلک دفتر میں ہوا ۔
دھماکے کے بعد بندرگاہ کے ایک حصے میں آگ بھڑک اُٹھی،امدادی کاموں کا سلسلہ جاری ہے، متضاد اطلاعات کے مطابق دھماکے میں زخمیوں کی تعداد 750 سے زائد ہوگئی ۔
ابتدائی طور پر 4 ہلاکتوں کی تصدیق کی گئی جو اب بڑھ کر 14 ہو گئی ہے تاہم ہلاکتوں میں اضافے کا خدشہ ظاہر کیا جا رہا ہے ، زخمیوں میں بھی بیشتر لوگوں کی حالت تشویچناک بتائی جا رہی ہے ۔
دھماکے کی شدت اس قدر زیادہ تھی کہ کئی کلومیٹر دور واقع عمارتوں کے شیشے بھی ٹوٹ گئے اور متعدد علاقوں میں زلزلے جیسے جھٹکے محسوس کیے گئے ۔
