ویسٹ انڈیز کے لیجنڈری آل راؤنڈر سر گیری سوبرز 89 برس کی عمر میں انتقال کر گئے، ان کے انتقال پر دنیا بھر کے کرکٹ حلقوں میں گہرے رنج و غم کا اظہار کیا جا رہا ہے۔
سر گیری سوبرز کا شمار کرکٹ کی تاریخ کے عظیم ترین آل راؤنڈرز میں ہوتا تھا۔ انہوں نے اپنے شاندار ٹیسٹ کیریئر میں 93 میچز کھیلے اور 8 ہزار سے زائد رنز بنانے کے ساتھ ساتھ 235 وکٹیں بھی حاصل کیں۔
فرسٹ کلاس کرکٹ میں بھی سر گیری سوبرز نے غیرمعمولی کارکردگی کا مظاہرہ کیا اور 28 ہزار سے زائد رنز اسکور کیے۔ اپنی بیٹنگ، باؤلنگ اور فیلڈنگ کی صلاحیتوں کی بدولت وہ کرکٹ کی دنیا میں ایک منفرد مقام رکھتے تھے۔
سر گیری سوبرز کے انتقال پر سابق اور موجودہ کرکٹرز سمیت عالمی کرکٹ برادری نے افسوس کا اظہار کرتے ہوئے انہیں کھیل کی تاریخ کا ایک عظیم نام قرار دیا ہے۔
