بونیر: ڈپٹی کمشنر بونیر محمد انوارالحق کی زیرِ صدارت تعمیراتی محکموں (ورکس ڈیپارٹمنٹس) کا اجلاس منعقد ہوا، جس میں ضلع بھر میں جاری ترقیاتی منصوبوں پر پیش رفت، تعمیراتی کام کے معیار اور منصوبوں کی تکمیل کی رفتار کا تفصیلی جائزہ لیا گیا۔

اجلاس کے دوران متعلقہ محکموں کے افسران نے جاری ترقیاتی منصوبوں کے حوالے سے پیش رفت سے آگاہ کیا۔ اس موقع پر ڈپٹی کمشنر محمد انوارالحق نے ہدایت کی کہ تمام ترقیاتی منصوبوں کو مقررہ مدت کے اندر معیاری انداز میں مکمل کیا جائے۔
انہوں نے متعلقہ افسران کو منصوبوں کی مؤثر نگرانی یقینی بنانے اور تعمیراتی کام کے معیار پر خصوصی توجہ دینے کی بھی ہدایت کی تاکہ ترقیاتی منصوبے بروقت مکمل ہوسکیں۔

