کرغزستان اور چین میں 7.1 شدت کے زلزلے کے جھٹکے محسوس کیے گئے ہیں، جس کی وجہ سے کئی عمارتیں ملبے کا ڈھیر بن گئ ہیں
غیر ملکی خبررساں اداروں کے مطابق چین کے مغربی علاقے میں زلزلے کے جھٹکے محسوس ہوئے ہیں جس نے سب کچھ ہلا کر رکھ دیا ہے۔زلزلے کی شدت چین میں 7.1 ریکارڈ کی گئی ہے اور اس کا مرکز مغربی علاقہ ووشی میں تھا۔متعدد آفٹرشاکس بھی زلزلے کے بعد ریکارڈ کیے گئے ہیں، جن میں سب سے زیادہ شدت 5.3 درجے کے جھٹکے شامل تھے۔
ذرائع کے مطابق زلزلے کی بنا پر 6 افراد زخمی ہوگئے ہیں، اور 47 گھر تباہ ہو گئے ہے جبکہ 78 گھروں کو نقصان پہنچا ہے۔ریسکیو ورکرز متاثرہ علاقوں میں امدادی سرگرمیوں کیلئے پہنچ کر اپنے فرائض انجام دے رہے ہیں۔دوسری طرف زلزلے کے جھٹکے ازبکستان میں بھی محسوس کیے گئے ہیں جن کی شدت 4 ریکارڈ کی گئی ہے۔زلزلے کی بنا پر شہریوں میں خوف و ہراس پھیل گیا اورسرد موسم میں لوگ گھروں سے باہر نکل آئے
