خیبرپختونخوا میں نشے کے عادی افراد کے علاج کیلئے مہم کا آغاز کردیا گیا ہے
خیبرپختونخوا میں نشے کے عادی افراد کے علاج اور صوبے بھر کو منشیات سے پاک کرنے کی مہم جاری ہے۔پاک فوج ،اینٹی نارکوٹکس فورس خیبرپختونخواہ اور انسداد منشیات تنظیم “داحق آواز”کی مشترکہ کوششوں کی بدولت خیبرپختونخوا کی سڑکوں پےموجود نشے کے عادی لاوارث لوگوں کے علاج اورصوبے بھر کو منشیات سے پاک کرنے کے لیے کوششیں کی جارہی ہیں۔پشاور میں اے این ایف اور انسداد منشیات تنظیم داحق آواز نے منشیات کے عادی افراد کی نشاندہی پر ہنگامی بنیاد پر مریضوں کا علاج کا بیڑا اٹھایا۔ نشے کے عادی افراد کو تین مہینوں پرمحیط کورس میں مختلف تربیتی مراحل سے گزارا گیا، علاج کےساتھ ساتھ مریضوں کو جسمانی ورزشیں اورنفسیاتی کاؤنسلنگ کی سہولیات فراہم کی گئیں ہیں،خیبرپختونخواہ میں پاک فوج متعلقہ اداروں کےساتھ ملکر منشیات کے مکمل خاتمے کیلئے ٹھوس اقدامات اٹھا رہی ہے۔
ایک تقریب علاج مکمل ہونے پر منعقد کی گئی جس میں متعلقہ اداروں کے حکام سمیت مریضوں کی فیملیز نے بھی شرکت کی،مریضوں اور انکےگھر والوں نےعلاج کےمکمل ہونے پر خوشی کا اظہار کیا اور پاک فوج اور اے این ایف کا شکریہ ادا کیا۔ مریض نے کہا کہ کہ میں سب کا شکریہ گزار ہوں کہ انہوں نے میرا علاج کیا۔سب کو میرا پیغام ہےکہ منشیات سے بچیں اور اپنے گھر والوں کا خیال رکھیں۔ماہر نفسیات ڈاکٹر کے مطابق سالوں گھر سے بچھڑے ان افراد کی دیکھ بھال ایک چیلنج تھا لیکن اللہ کے کرم سے الحمدللہ ہم نے کر کے دکھایا کہ ناممکن کچھ بھی نہیں ہے۔
