سندھ میں سی این جی اسٹیشنز کی بندش کا نیا شیڈول جاری کردیا گیا

کراچی سمیت سندھ بھر کے تمام سی این جی اسٹیشنز کی بندش سے متعلق نیا شیڈول جاری کیا گیا ہے۔شیڈول کے مطابق صوبے بھر کے تمام سی این جی اسٹیشنز  12 مئی صبح 8 بجے سے پیر 13 مئی تک 24 گھنٹے کیلیے بند رہیں گے۔یاد رہے کہ گزشتہ ماہ اپریل کے وسط میں ایف بی آر نے سی این جی کی فی کلو قیمت میں 11 روپے 70 پیسے سیلز ٹیکس میں اضافہ کیا تھا۔ایف بی آر کی طرف سے جاری نوٹیفکیشن کے مطابق 200 روپے فی کلو کی بنیاد پر 18 فیصد سیلز ٹیکس عائد کیا گیا، فی کلو پر 36 روپے کے حساب سے سیلز ٹیکس عائد کیا گیا ہے، اس سے قبل فی کلو پر 24 روپے 30 پیسے سیلز ٹیکس لاگو تھا۔