پشاور میں پشتو گلوکارہ گل پانڑہ کےگھر میں ایک شخص نے زبردستی گھسنےکی کوشش کی۔جس کے بعد پولیس نے ملزم کو گرفتار کرلیا۔
پولیس کے مطابق گلوکارہ گل پانڑہ کی طرف سے اس واقعے کی شکایت درج کرائی گئی تھی جس کے بعد گلوکارہ گل پانڑہ کے بھائی کی مدعیت میں تھانہ شرقی میں مقدمہ درج کیا گیا۔پولیس کے مطابق ملزم عبداللہ کو گرفتار کرلیا گیا ہے، یہ ملزم ڈیفنس کالونی میں گلوکارہ گل پانڑہ کےگھرکے باہر بیٹھا رہتا تھا۔پولیس نے بتایا کہ گزشتہ روز ملزم نے زبردستی گلوکارہ کےگھر میں گھسنے کی کوشش کی تھی جبکہ ملزم کو اس سے پہلے بھی تین بار گرفتار کیا جاچکا ہے۔
