ضلع بنوں میں انسداد پولیو ٹیم پر فائرنگ سے پولیس اہلکار شہید ہوگئے ۔ یہ واقعہ بنوں کی تحصیل ڈومیل میں مہاجر کیمپ کے قریب پیش آیا جہاں نامعلوم افراد نے انسداد پولیو ٹیم پر فائرنگ کردی۔ فائرنگ سے سیکیورٹی پر مامور پولیس کانسٹیبل شہید ہوگیا۔ شہید کانسٹیبل کی شناخت نور عالم کے نام سے ہوئی۔ واقعے کے خلاف پولیس اہلکاروں نے ڈیوٹی چھوڑ کر مولانا عبدالستار چوک پردھرنا دے دیا۔
ڈی پی او بنوں نے دھرنے میں پہنچ کر اہلکاروں سے احتجاج ختم کرنے کا مطالبہ کردیا۔ اہلکاروں نے احتجاج ختم کرنے سے انکار کردیا۔ احتجاج کرنے والے پولیس اہلکاروں کا کہنا ہے کہ مطالبات کی منظوری تک احتجاج جاری رہے گا۔
