باجوڑ میں نامعلوم افراد کی فائرنگ کے باعث پولیو کوآرڈی نیٹر جاں بحق ہو گیاجبکہ پولیس اہلکار زخمی ہو گئے ہیں۔
واقعہ کے مطابق، باجوڑ کی تحصیل لوئی ماموند کے علاقہ باد سیاہ میں ایک موٹر کار پر نامعلوم افراد نے فائرنگ کی ہے۔جس فائرنگ کے نتیجے میں ڈاکٹر عبدالرحمن پولیو کوآرڈی نیٹر اور پولیس اہلکار الیاس شدید زخمی ہو گئے ہیں۔اس حادثےکے بعدفوری طور پرزخمیوں کو ہسپتال منتقل کیا گیا، ڈاکٹر عبدالرحمان کو جہاں سے تشویشناک حالت میں پشاور منتقل کیا جارہا تھا، لیکن وہ زخموں کو برداشت نہ کر سکے اور شدید تکلیف کے باعث جاں بحق ہوگئے،جبکہ فائرنگ سےزخمی ہونے والے پولیس اہلکار الیاس کو ڈسٹرکٹ ہیڈ کوارٹر ہسپتال خارمیں منتقل کیا گیا جہاں پر وہ زیر علاج ہیں
