سوات: صوبہ بھر کی طرح سوات میں بھی پختون تحفظ موومنٹ کے خلاف کریک ڈاون کا سلسلہ جاری ہے۔ اس دوران پی ٹی ایم کے تین اہم رہنما گرفتار کرلئے گئے ہیں۔
گرفتار افراد میں غیرت یوسفزئی ،عبدالروف شامل ہیں۔ ذرائع کے مطابق پی ٹی ایم کے ایک اور رہنما بھی گرفتار ہونے والوں میں شامل ہے،تاہم ان کا نام تاحال سامنے نہیں آیا۔
پختون تحفظ موومنٹ کے کے مرکزی رہنما عطاللہ جان اور دیگر رہنماوں کی گرفتاری کیلئے بھی چھاپے جاری ہیں۔
واضح رہے کہ گزشتہ ہفتے سوات مینگورہ میں پی ٹی ایم کے زیرانتظام ایک بڑا امن جلسہ منعقد ہوا تھا جس مین ہزاروں لوگوں نے شرکت کی تھی۔ ان کا مطالبہ تھا کہ ہم نہ مزید دہشت گردی برداشت کرسکتے ہیں اور نہ علاقے میں نئے فوجی آپریشن کی اجازت دے سکتے ہیں۔
