افغانستان میں مسلسل ہونے والی بارشوں اور برفباری نے بڑے پیمانے پر تباہی مچا دی اور معمولات زندگی معطل ہوکر رہ گئے
غیر ملکی خبر رساں ادارے کے مطابق بارشوں اور برفباری سے افغانستان کے مشرقی صوبے نورستان اور پنج شیر سب سے زیادہ متاثر ہوئے ہیں اور یہ علاقے ملک کے دیگر حصوں سے کٹ کر رہ گئے۔طالبان حکام نے بتایا کہ صوبے نورستان میں لینڈ سلائیڈنگ کے نتیجے میں 20مکانات تباہ ہو گئے اور ملبے میں 50کے قریب افراد دبے ہوئے ہیں جب کہ خراب موسم کے باعث امدادی کاموں میں مشکلات کا سامنا ہے۔
امدادی کاموں کے دوران ملبے سے 25لاشیں نکالی گئی ہیں جبکہ 8افراد کو شدید زخمی حالت میں اسپتال منتقل کیا گیا ہے جن میں سے 3کی حالت نازک ہونے کے سبب ہلاکتوں میں اضافے کا خدشہ ہے۔ملبے تلے اب بھی کئی افراد دبے ہوئے ہیں جن کی تلاش کے لیے امدادی کام کو مسلسل برفباری کے باعث رکنا پڑا ہے۔
