فلسطین اسرائیل جنگ ۔خطے میں پھیلنے کا خدشہ ۔غزہ کے بعد صہیونی فورسز کی رفح پر وحشیانہ بمباری۔164فلسطینی شہید ہوگئے
اسرائیلی وزیراعظم نے رفح میں زمینی آپریشن شروع کرنے کا فیصلہ کرتے ہوئے کہا کہ رفح میں بھی حماس کو نہیں چھوڑیں گے۔ادھر برطانیہ نے رفح میں زمینی آپریشن شروع کرنے کے فیصلہ کی مخالفت کرتے ہوئے کہا کہ اسرائیل بے گھر فلسطینیوں کی پناہ گاہ رفح پرکیسے حملہ کرسکتا ہے۔ رفح آنے والے فلسطینی پہلے ہی 5،6 بار دربدر ہوچکے ہیں لہذا رفح کی صورتحال پر شدید تشویش ہے۔اس کے ساتھ ہی برطانیہ نے فلسطین میں فوری جنگ بندی کا مطالبہ بھی کیا۔
دوسری جانب یورپی یونین نے امریکا کو اسرائیل کی فوجی امداد کم کرنیکا مشورہ دے دیا۔7اکتوبر سے جاری حملوں میں غزہ میں شہید فلسطینیوں کی تعداد ساڑھے اٹھارئیس ہزار سے تجاوز کرچکی ہے ۔جبکہ اسرائیلی حملوں میں زخمی ہونے والے فلسطینیوں کی تعداد اٹھاسٹھ ہزار کے قریب پہنچ چکی ہے۔اڑتیس ہزار سے زائد عمارتیں کھنڈر ات بن چکی ہیں۔ادھر خان یونس میں حماس اور اسرائیلی فوج کی جھڑپیں ہوئیں جس میں القسام بریگیڈ نے قابض فوج پرحملے کے دوران 10اسرائیلی فوجی مارنے کا دعوی کیا ہے۔
