عمران خان نے نوجوانوں کےلئے آزاد ذہن اور آزاد پاکستان پر پیغام جاری کردیا

عمران خان  نے ویڈیو پیغام میں کہا کہ اب پاکستان کو اپنا راستہ خود بنانا ہے۔ ہمیں اپنے ذہن آزاد کرنے ہیں، پاکستان کی خوش قسمتی ہے کہ پاکستان کے پاس دنیا کی دوسری بڑی یوتھ (نوجوان نسل) ہے۔
اس پیغام میں عمران خان کا تعلیم سے متعلق کہنا  تھا  کہ ہم کوئی اچھے غلام نہیں بننا چاہتے بلکہ ہم ایجاد کرنا چاہتے ہیں۔ ہمیں اپنا راستہ خود بنانا ہے اور ہم نئے راستے ڈھونڈنا چاہتے ہیں۔ نیا راستہ سائنس اور ٹیکنالوجی سے حاصل کیا جا سکتا ہے۔

واضح رہے کہ عمران خان 2018ء میں پاکستان کے بطور 22ویں وزیر اعظم منتخب ہوئے تھے۔ رواں سال اپریل میں اُنہیں ’تحریکِ عدم اعتماد‘ کے ذریعے وزیر اعظم کے عہدے سے ہٹا دیا گیا تھا۔