ایبٹ آباد میں ٹیچرز کو ڈیوٹی پر لے جانے والی ہائی ایس حادثے کا شکار ہوگئی ہے جس کی وجہ سے 15ٹیچرززخمی ہوئے ہیں۔
واضح رہے کہ یہ حادثہ گلیات کے قریب برمی گلی کے مقام پر پیش آیا ہے جہاں پر ہائی ایس میں سکول ٹیچرز سوار ہوکر ڈیوٹی پر جا رہی تھیں۔حادثے کی اطلاع ملتے ہی ریسکیو کی دو ایمبولینس فوری طور پر جائے وقوعہ کی طرف روانہ ہو گئیں۔ترجمان ریسکیو کے مطابق ریسکیو میڈیکل ٹیم نے بروقت اطلاع دیتے ہوئے تمام سکول ٹیچرز کو ابتدائی طبی امداد فراہم کر کے سول ہسپتال نتھیاگلی منتقل کر دیا۔حادثے میں 15 ٹیچرز زخمی ہو گئی تھیں ، ان میں کچھ ٹیچرز کی حالت انتہائی تشویشناک بتائی جا رہی ہیں جن کو ایوب میڈیکل کمپلیکس میں فوری طور پر منتقل کر دیا گیا ہے۔