صوبائی دارالحکومت پشاور میں بجلی کی لوڈشیڈنگ کے خلاف جماعت اسلامی کی طرف سے پیسکو ہیڈ کوارٹر کے باہر احتجاج کیا گیا ہے۔
پیسکو ہیڈ کوارٹر کے باہر بجلی کی طویل لوڈشیڈنگ کے خلاف احتجاج کرتے ہوئے جماعت اسلامی کے کارکنانوں کی بڑی تعداد نے شرکت کی۔مظاہرین نے اس دوران پیسکو کے خلاف شدید نعرہ بازی کی اور کہا کہ اوور بلنگ اور غیر اعلانیہ لوڈشیڈنگ کوفوری طور پر بند کیا جائے۔اس موقع پرپیسکو ہیڈ کوارٹر میں احتجاج کرتے مظاہرین کا کہنا تھا کہ مرکزی اور صوبائی حکومت کی ذمہ داری ہے کہ عوام کو سستی بجلی مہیا کی جائے جبکہ یہاں پر اس کے برعکس سب الٹا کیا جارہا ہے۔ان کے مطابق ایک تو بجلی مہنگی ہے اوپر سے لوڈشیڈنگ نے عوام کو تنگ کر رکھا ہے۔