ضلع لکی مروت میں پولیس چوکی پر دہشت گردوں کا حملہ پولیس کی بروقت جوابی فائرنگ سے پسپا کر دیا گیا۔
لکی مروت کے ڈی پی او طارق حبیب نے بتایا کہ پولیس چوکی منجیوالہ پر حملہ کے دوران دو طرفہ فائرنگ میں بھاری ہتھیاروں کا بھی استعمال کیا گیا۔ جبکہ علاقے کے عوام بھی پولیس کے ساتھ مدد کے لیے موجود رہے۔
ڈی پی او لکی مروت نےکوئیک رسپانس دینے پر پولیس جوانوں کی کارکردگی کو سراہا اور انہیں شاباش دی۔ ان کا کہنا تھا کہ پولیس نے دہشت گردوں کو منظم ہونے کا موقع نہیں دیا جس سے وہ بھاگنے پر مجبور ہوگئے۔ پولیس چوکی منجیوالہ پر دہشت گردوں کی فائرنگ سے کوئی نقصان نہیں ہوا۔
