پاک فوج نے نوشکی میں سرحد پر افغان فورسز کی جانب سے جارحیت کا منہ توڑ جواب دیا ہے ۔ جس سے افغان فورسز کو بھاری نقصان ہوا ہے۔
سکیورٹی ذرائع کے مطابق نوشکی میں پاک افغان بارڈر پر غزنالی سیکٹر میں افغان فورسز کی جانب سے جارحیت کی گئی، افغان فورسز کی جانب سے پاکستان کی پوسٹوں پر فائرنگ کی گئی۔
سیکیورٹی ذرائع نے بتایا کہ افغانستان کی طرف سے جارحیت کا منہ توڑ جواب دیا گیا، پاکستان نے جوابی کارروائی میں افغان چوکیوں کو نشانہ بنایا۔
سکیورٹی ذرائع کا میزد کہنا تھا کہ فائرنگ کا تبادلہ پاک فورسز کی جانب سے باڑ کی مرمت کے دوران پیش آیا، پاکستان نے مؤثر کارروائی کرتے ہوئے افغان فورسز کے خلاف بھرپور جوابی کارروائی کی، پاک فورسز کی جوابی کارروائی میں افغان فورسز کو بھاری نقصان اٹھانا پڑا۔
سیکیورٹی ذرائع نے یہ بھی بتایا کہ پاکستان کا اپنی سرحدوں کی حفاظت کے لیے مؤثر اقدامات کا سلسلہ جاری رہے گا، افغان فورسز کو جانب سے بِلا اشتعال جارحیت پہلے بھی کی جا چکی ہے، پاکستانی فورسز علاقائی سالمیت پر کسی صورت حرف نہیں آنے دیں گی۔
